ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თსუ იურიდიული ფაკულტეტი USAID სამართლის უზენაესობის პროგრამასთან თანამშრომლობით აცხადებს კონკურსს „ინოვაციურ მართლმსაჯულების სკოლაში“ მონაწილეობის მისაღებად.
სკოლა გაიმართება კახეთში, სასტუმრო კაჭრეთი ამბასადორში 2023 წლის 13-15 ოქტომბერს, რომელსაც გაუძღვებიან სამართლის ქართველი და უცხოელი პროფესორები და მოწვეული ექსპერტები.
პროექტში მონაწილეობის მიღება შეუძლიათ სხვადასხვა უნივერსიტეტის იურიდიული ფაკულტეტის ბაკალავრიატისა (გარდა პირველი და მეორე სემესტრის სტუდენტებისა) და მაგისტრატურის საფეხურის სტუდენტებს.
სამუშაო ენაა ქართული და ინგლისური. მონაწილეს მოეთხოვება ინგლისური ენის კარგად ცოდნა.
პროექტში მონაწილეობის მისაღებად 2023 წლის 29 სექტემბრის ჩათვლით უნდა წარმოადგინოთ:
- სამოტივაციო წერილი ინგლისურ ენაზე (300-დან 500 სიტყვამდე);
- სათანადო წესით დამოწმებული ნიშნების ფურცელი;
- ცნობა სტუდენტის სტატუსის შესახებ.
მონაწილეების შერჩევა მოხდება ორ ეტაპად:
- განაცხადების გადარჩევა;
- გასაუბრება.
საკონკურსო განაცხადის მიღების პერიოდი: 15/09/2023 – 29/09/2023
გასაუბრების პერიოდი: 26/09/2023 – 1/10/2023
კონკურსის შედეგად გამოვლინდება 29 საუკეთესო სტუდენტი „ინოვაციურ მართლმსაჯულების სკოლაში“ მონაწილეობის მისაღებად. მონაწილეებს გადაეცემათ სერტიფიკატები.
მონაწილეობის მსურველმა კანდიდატებმა, გთხოვთ, შეავსოთ სარეგისტრაციო ფორმა: https://forms.gle/7RsSiimFm5xm3KPu9
დამატებითი კითხვების შემთხვევაში შეგიძლიათ მოგვმართოთ შემდეგ ელ. ფოსტაზე: icl@tsu.ge
